പ്രത്യേക വഴിപാടുകൾ

● എല്ലാ മലയാള മാസത്തിന്റെയും ആദ്യ ദിനം അന്നദാനം നടത്തപ്പെടുന്നു.

● കുട്ടികൾ ഇല്ലാത്തവർക്ക് സന്താന പ്രാപ്തിക്കായി പ്രത്യേക വഴിപാടുകൾ ആവശ്യത്തിന് അനുസരിച്ച് നടത്തപ്പെടുന്നു.

മറ്റ് വഴിപാടുകളുടെ വിവരങ്ങൾ:

വഴിപാടുകളും അവയുടെ ഗുണങ്ങളും

ദേവപ്രീതിക്കും ഭക്തരുടെ ആയുരാരോഗ്യ വർദ്ധനവിനും വേണ്ടിയാണ് ക്ഷേത്ര തിരുനടകളിൽ വഴിപാടുകൾ നടത്തി വരാറുള്ളത്. വഴിപാടുകൾ വിവിധ തരത്തിലുള്ളവ നിലവിലുണ്ട്. സര്‍വ്വൈശ്വര്യത്തിനും അഭിഷ്ടസിദ്ധിക്കും വേണ്ടി ഭഗവതിയുടെ തിരുസന്നിധിയില്‍ സമര്‍പ്പിക്കുന്ന ഉപഹാരമാണ് വഴിപാട്. വഴിപാടിന്റെ ശരിയായ അര്‍ത്ഥം ആരാധന എന്നാണെന്നും ഈശ്വരസന്നിധിയില്‍ വെച്ച് ചെയ്യുന്ന ത്യാഗമാണതെന്നും പരക്കെ വിശ്വസിക്കപ്പെടുന്നു. യഥാര്‍ത്ഥത്തില്‍ വഴിപാട് പൂജയുടെ തന്നെ ഒരു ഭാഗമാണ്. ഭക്തനെ പൂജയില്‍ ഉള്‍പ്പെടുത്തുന്നതിനുള്ള ഒരു ഉപാധികൂടിയാണത്. ഭക്തിസാന്ദ്രമായ മനസ്സ് ദേവനില്‍ കേന്ദ്രീകരിച്ചുകൊണ്ടും നിരന്തരം പ്രാര്‍ത്ഥിച്ചുകൊണ്ടും നടത്തുന്ന വഴിപാടുകള്‍ക്ക് പൂര്‍ണ്ണഫലം കിട്ടുമെന്നുതന്നെയാണ് ഭക്തജനവിശ്വാസം. വെറുതെ പ്രാര്‍ത്ഥിച്ചുകൊണ്ട്‌ കിട്ടുന്നതിനേക്കാള്‍ നൂറിരട്ടിഫലം വഴിപാട് കഴിച്ചുകൊണ്ട് പ്രാര്‍ത്ഥിച്ചാല്‍ കിട്ടുമെന്നാണ് ആചാര്യമതം.
വിവരങ്ങൾക്ക് കടപ്പാട്: ഫേസ്ബുക്ക് / സമയം